വലിയ മാറ്റത്തിലേക്കുള്ള ചുവടുവെപ്പ്! എല്ലാ ഐഫോണുകള്‍ക്കും OLED ഡിസ്‌പ്ലേകള്‍ ഉപയോഗിക്കും

ആപ്പിളിൻ്റെ ബജറ്റ്-ഫ്രണ്ട്ലി ഐഫോണ്‍ എസ്‌ഇ (iPhone SE) ഒടുവില്‍ വലിയ മാറ്റത്തിലേക്ക് ചുവട് വെക്കുന്നു. നിക്കി ഏഷ്യയുടെ ഒരു പുതിയ റിപ്പോർട്ട് സൂചിപ്പിക്കുന്നത്, 2025ലും അതിന് ശേഷവും വില്‍ക്കുന്ന എല്ലാ ഐഫോണ്‍ മോഡലുകള്‍ക്കും ആപ്പിള്‍ ഓർഗാനിക് ലൈറ്റ്-എമിറ്റിംഗ് ഡയോഡ് (OLED) ഡിസ്‌പ്ലേകള്‍ ഉപയോഗിക്കും.

ലിക്വിഡ് ക്രിസ്റ്റല്‍ ഡിസ്‌പ്ലേ (എല്‍സിഡി) പൂർണ്ണമായും ഒഴിവാക്കുമെന്ന് നിക്കി ബിസിനസ്സ് ദിനപത്രം പറഞ്ഞു. ഈ നീക്കം ആപ്പിളിൻ്റെ എല്‍സിഡി ടെക്‌നോളജി ആശ്രയിക്കുന്നതിനുള്ള ഒരു യുഗത്തിൻ്റെ അവസാനത്തെ അടയാളപ്പെടുത്തുന്നു. ഇത് ഡിസ്പ്ലേ നിർമ്മാതാക്കള്‍ക്ക് കാര്യമായ പ്രത്യാഘാതങ്ങള്‍ ഉണ്ടാക്കും എന്നത് ശ്രദ്ധിക്കേണ്ട ഒരു കാര്യമാണ്.

വർഷങ്ങളോളം, ആപ്പിളിൻ്റെ മുൻനിര ഐഫോണുകള്‍ ഊർജ്ജസ്വലമായ OLED ഡിസ്പ്ലേകള്‍ പ്രശംസ നേടിയിരുന്നു. അതേ സമയം ഐഫോണ്‍ എസ്‌ഇ കൂടുതല്‍ ചെലവ് കുറഞ്ഞ LCD സാങ്കേതികവിദ്യയില്‍ പിടിച്ച്‌ നിന്നു. അടുത്ത വരവിലൂടെ ഇതെല്ലാം മാറാൻ പോകുകയാണ്. ഐഫോണ്‍ ലൈനപ്പിലുടനീളം OLED സ്വീകരിക്കുന്നതിലൂടെ, ആപ്പിള്‍ കൂടുതല്‍ ശ്രദ്ധ നേടാൻ പോകുകയാണ്. OLED ഡിസ്പ്ലേകള്‍ LCD-കളെ അപേക്ഷിച്ച്‌ മികച്ച കോണ്‍ട്രാസ്റ്റ്, ദീപേസ്റ്റ് ബ്ലാക്ക്, കനം കുറഞ്ഞ ഫോണ്‍ ഡിസൈനുകള്‍ എന്നിവ വാഗ്ദാനം ചെയ്യുന്നു.

OLED ഡിസ്പ്ലേയിലേക്കുള്ള നീക്കം ആപ്പിളിനുള്ള ഡിസ്പ്ലേ വിതരണക്കാരുടെ ലാൻഡ്സ്കേപ്പിലെ മാറ്റത്തെയും സൂചിപ്പിക്കുന്നു. പരമ്ബരാഗതമായി, ജപ്പാൻ ഡിസ്പ്ലേ (ജെഡിഐ), ഷാർപ്പ് തുടങ്ങിയ ജാപ്പനീസ് കമ്ബനികള്‍ ഐഫോണുകള്‍ക്ക് എല്‍സിഡി പാനലുകള്‍ നല്‍കുന്ന പ്രധാന ആളുകള്‍ ആയിരുന്നു. എന്നിരുന്നാലും, നിലവില്‍ ഒരു കമ്ബനിയും സ്മാർട്ട്‌ഫോണുകള്‍ക്കായി OLED സ്‌ക്രീനുകള്‍ നിർമ്മിക്കുന്നില്ല. തല്‍ഫലമായി, ഒഎല്‍ഇഡിയിലേക്ക് മാറുന്നത് അർത്ഥമാക്കുന്നത് ജെഡിഐയും ഷാർപ്പും ആപ്പിളിൻ്റെ വിതരണ ശൃംഖലയില്‍ നിന്ന് ഘട്ടംഘട്ടമായി ഒഴിവാക്കപ്പെടും എന്നാണ്.

ഈ ആസൂത്രിതമായ നീക്കം ആപ്പിളിൻ്റെ ഹാൻഡ്‌സെറ്റ് ബിസിനസില്‍ നിന്ന് ജപ്പാനിലെ ഷാർപ്പ് കോർപ്പറേഷനെയും ജപ്പാൻ ഡിസ്‌പ്ലേയെയും ഒഴിവാക്കുമെന്ന് നിക്കി പറഞ്ഞിട്ടുമുണ്ട്. ഈ ജാപ്പനീസ് ഡിസ്പ്ലേ ഭീമന്മാർക്ക് ഇത് പ്രശ്‌നമുണ്ടാക്കാം. 2015ല്‍, എല്ലാ ഐഫോണ്‍ ഡിസ്പ്ലേകളുടെയും 70% അവർ വിതരണം ചെയ്തു. ഇപ്പോള്‍, ആപ്പിള്‍ അതിൻ്റെ OLED ആവശ്യങ്ങള്‍ക്കായി സാംസങ്, എല്‍ജി, ചൈനയുടെ BOE എന്നിവയെ ആശ്രയിക്കുമ്ബോള്‍, JDI, Sharp എന്നിവ സപ്പ്ളൈ ചെയിനിന് പുറത്താക്കുകയാണ്.

ചൈനയുടെ BOE ടെക്‌നോളജിയില്‍ നിന്നും ദക്ഷിണ കൊറിയയുടെ എല്‍ജി ഡിസ്‌പ്ലേയില്‍ നിന്നും വരാനിരിക്കുന്ന ഐഫോണ്‍ എസ്‌ഇയുടെ OLED ഡിസ്‌പ്ലേകള്‍ക്കായി ആപ്പിള്‍ ഓർഡറുകള്‍ നല്‍കാൻ തുടങ്ങി എന്ന് നിക്കി പറഞ്ഞു. ആപ്പിള്‍ വാച്ച്‌ പോലുള്ള ഉപകരണങ്ങള്‍ക്കായി ചെറിയ ഒഎല്‍ഇഡി ഡിസ്പ്ലേകള്‍ നല്‍കുന്നതില്‍ ജെഡിഐ ശ്രദ്ധ കേന്ദ്രീകരിക്കുന്നുണ്ട്. അതേ സമയം ഷാർപ്പ് അതിൻ്റെ എല്‍സിഡി ബിസിനസ്സ് മൊത്തത്തില്‍ സ്കെയില്‍ ചെയ്യുന്നതായി റിപ്പോർട്ടുണ്ട്.

ഇത് ഉപഭോക്താക്കള്‍ക്ക് എന്താണ് അർത്ഥമാക്കുന്നത്? നേരത്തെ പറഞ്ഞതുപ്പോലെ അടുത്ത ഐഫോണ്‍ എസ്‌ഇയില്‍ OLED-ലേക്കുള്ള മാറ്റം ഉപയോക്താക്കള്‍ക്ക് കൂടുതല്‍ ആക്സസ് ചെയ്യാവുന്ന വിലയില്‍ കൂടുതല്‍ പ്രീമിയം അനുഭവത്തില്‍ നല്‍കാൻ കമ്ബനിക്ക് സാധിച്ചേക്കാം. ഈ വിശദാംശങ്ങള്‍ കമ്ബനി സ്ഥിതീകരിച്ചിട്ടില്ല എന്നത് ഓർക്കുക. കനം കുറഞ്ഞ ഫോണ്‍ ഡിസൈനും ഷാർപ്പ് ആയ വിഷ്വലുകളും മെച്ചപ്പെട്ട ബാറ്ററി ലൈഫും നമുക്ക് പ്രതീക്ഷിക്കാം. എന്നിരുന്നാലും, പുതിയ മാറ്റങ്ങള്‍ കൊണ്ടുവരുന്നത് കൊണ്ട് തന്നെ വില വർദ്ധന ഉണ്ടാകാൻ സാധ്യതയുണ്ട്.